01 okt 20:40
Yangiliklar
Boks/MMA
Boks bo'yicha jahon chempioniga Toshkent shahridan uy sovg'a qilindi
9-21 sentyabr kunlari Rossiyaning Ekaterinburg shahrida bo'lib o'tgan boks bo'yicha jahon chempionatining eng yaxshi sportchisi deb topilgan Bahodir Jalolovni Toshkent shahar hokimi Jahongir Artikxodjaev samimiy qutladi.
Bu haqida Toshkent shahar hokimiyati matbuot xizmati malum qildi.
Bahodirning chempionatda erishgan g'alabasi, sportdagi yutuqlari etirof etilib, Prezident sovg'asi – Toshkent shahri Qori Niyoziy ko'chasida joylashgan uy-joylardan biri – tantanali ravishda topshirildi.
Yigirmanchi marta o'tkazilgan boks musobaqasida dunyoning 78 mamlakatidan 400ga yaqin bokschi ishtirok etdi. Unda O'zbekiston terma jamoasi 3ta oltin, 1ta kumush va 1ta bronza medallarini jamg'arib, umumjamoa hisobida birinchi o'rinda yakunladi.
Havola :
Fikrlar