Boks bo'yicha “Olimpiya cho'qqilari” g'oliblari aniqlandi

Ushbu musobaqalar maktab-internatlarda sport zaxirasi va malakali sportchilarni tayyorlash tizimini doimiy ravishda muvofiqlashtirib borish, Olimpiya o'yinlariga munosib ishtirok etadigan iqtidorli sportchilarni tanlab olish hamda O'zbekiston yoshlar terma jamoalari uchun zaxira tayyorlash maqsadida tashkil etildi.

CHempionatda mamlakatimizdagi 15 ta ixtisoslashtirilgan olimpiya zaxiralari maktab-internatlarida talim olayotgan 196 nafar charm qo'lqop ustalari 14 ta (-44 kg, -46 kg, -48 kg, -50 kg, -52 kg, -54 kg, -57 kg, -60 kg, -63 kg, -66 kg, -70 kg, -75 kg, -80 kg, +80 kg) vazn toifalarida bahslarga kirishdi.

Qizg'in va murosasiz kechgan janglar natijasiga ko'ra quyidagi bokschilar shohsupaning yuqori pog'onasidan o'rin egallashdi:

- 44 kg: Isaxanov Muxammadrizoxon, (RIOZMI)

- 46 kg: Davlatov Ibratbek, (Andijon IOZMI)

- 48 kg: Abduraximov Qobiljon, (Namangan IOZMI)

- 50 kg: Tog'aybaev Aydos, (CHirchiq IOZMI)

- 52 kg: Rahmonov Davron, (RIOZMI)

- 54 kg: Toshpo'latov Yo'ldoshali, (RIOZMI)

- 57 kg: Qudratov Murodjon, (Jizzax IOZMI)

- 60 kg: Muhammadjonov Asilbek, (Andijon IOZMI)

- 63 kg: Tojiev Azizbek, (Qashqadaryo IOZMI)

- 66 kg: Rasulov Abdulaziz, (Andijon IOZMI)

- 70 kg: Samadov Azizbek, (Qashqadaryo IOZMI)

- 75 kg: Raxmonberdiev Sardor, (CHirchiq IOZMI)

- 80 kg: Ahmedov Mirzajon (Namangan IOZMI)

+80 kg: Nuranov Ali (RIOZMI)

Ushbu musobaqada birinchi o'rinni 174 ochko bilan Andijon IOZMI o'quvchilari qo'lga kiritgan bo'lsa, ikkinchi o'rin CHirchiq IOZMI (161 ochko) va uchinchi o'rin RIOZMI (155 ochko) bokschilariga nasib etdi.

Musobaqada g'olib bo'lgan bokschilar Jismoniy tarbiya va sport vazirligi tomonidan medal, diplom hamda esdalik sovg'alari bilan taqdirlandi.

Jismoniy tarbiya va sport vazirligi Matbuot xizmati