Bokschi Firuza SHaripova kutilmaganda faoliyatini yakunlashga qaror qildi

"Hurmatli do'stlar! Men sportchilik faoliyatimni yakunlashga qaror qildim. Ajoyib ishlar uchun murabbiy, menejer va jamoamga minnatdorchilik bildiraman. Biz birgalikda Qozog'istonning bir qancha rekordlarini o'rnatdik. Qozog'istonda bizdan tashqari bunchalik qisqa muddatda xech kim professional boksda bunday natijalarga erishmagan. 

Afsuski, biz professional boksdagi eng asosiy sovringa bir qadam qolganida tugatdik. Biz 2018 yilda Qozog'iston uchun WBC sovrinini qo'lga kiritishga tayyor edik. Bizga ushbu jangni moliyalashtirish bo'yicha bir necha vadalar bo'ldi, ammo baribir pul ajratilmadi. 

Ikki yil davomida formamni ushlab turdim. Endi kutishdan charchadim. Formani yuqori saviyada ushlab turish uchun katta mehnat va albatta mablag' talab etiladi. Afsuski, natija uchun men istiqbolni ko'rmayapman. Umidlantiruvchi vadalar bu orada bo'ldi, ammo ular vadaligicha qolib ketdi. Vaqt o'tib bormoqda, men uni kutishga sarflamoqchi emasman. 

Yillar davomida meni qo'llab-quvvatlab turgan muxlislarga rahmat. Sizlarni xursand qila olmaganim uchun kechiring. Imkon darajasida harakat qildim, ammo barchasi ham menga bog'liq emas", - deb xabar qoldirdi SHaripova Instagramdagi sahifasida.