28 noy 14:07
Yangiliklar

Boks/MMA, Futbol

Bokschi Saul Alvares Messiga taxdid qildi: gap Meksikaning erda yotgan futbolkasida (FOTO)

Futbol bo'yicha JCH-2022 doirasida Argentina hamda Meksika terma jamoalari o'rtasidagi uchrashuvdan so'ng (2:0) argentinalik futbolchilar bayram qilishdi.

Kiyinish xonasidan olingan suratlarda Meksika terma jamoasi futbolkasi erda yotgani, Messi esa uni tepib yuborayotgani aks etgandi.

Meksikalik bokschi, jahon chempioni Saul Alvares esa bunga munosabat bildirdi: "Messi men bilan uchrashib qolmaslik uchun Yaratganga iltijo qilsin", deya jahl chiqqani aks etgan emodjilarni qo'shimcha qilgan.

"Meksika futbolkasi erda yotishining o'zi haqoratga teng", - deya qo'shimcha qilgan u tvitda.