Bokschimiz raqibidan 13,6 kg engil tosh bosdi, kamar uchun jang qiladigan Mirzaxalilov meyorni bajardi + FOTO

Biz uchun ahamiyatlisi, turnir doirasida uch nafar bokschimiz — Mirazizbek Mirzaxalilov, Havasbek Asadullaev va Xalimjon Mamasoliev ham ringga ko'tariladi. Ikki karra Olimpiada chempioni Hasanboy Do'smatov turnirga faxriy mehmon sifatida taklif etilgan. 

"IBA.PRO 20" turniri ishtirokchilari tarozidan o'tish hamda so'nggi face to face marosimlarida hozir bo'lishdi. Oqshomning asosiy jangi ikkinchi o'rta vaznda IBF European kamari uchun kechadi. Unda havaskor boksda o'tgan yilgi jahon chempioni rossiyalik Jambulat Bijamov (3-0) jahon chempionati bronza medali sovrindori, Serbiya sharafini himoya qilayotgan Vladimir Mironchikov (8-0, 6 KO)ga qarshi ringga ko'tariladi. 

Ikkinchi o'ta engil vazn toifasida 10 raund etib belgilangan jangda IBF European kamari o'rtaga qo'yiladi. Ushbu kamar uchun Mirazizbek Mirzaxalilov (5-0, 4 KO) rossiyalik  CHingiz Natirov (10-0, 5 KO)ga qarshi ringga ko'tariladi. Raqib jiddiy - 10 ta jangning barida g'alaba qozongan, besh nafar raqibini nokautga uchratgan. Bokschilar belgilangan vazn meyorini bajarishdi. Ikkala bokschi ham tarozida bir xil vazn qayd etdi - 55,2 kg. 

Superog'ir vaznda jang qiluvchi bokschimiz Xalimjon Mamasoliev 97,8 kg, rossiyalik raqibi German Skobenko 111,4 kg tosh bosdi. Yarim o'rta vazn toifasidagi charm qo'lqop ustamiz Havasbek Asadulaev - 66,45 kg, rossiyalik Sergey Lubkovich esa 66,6 kg vazn ko'rsatdi.  

Turnirning to'liq kardi:

Ikkinchi o'rta vazn, 10 raund, IBF European kamari uchun jang: Jambulat Bijamov (3-0, Rossiya) – Vladimir Mironchikov (8-0, 6 KO, Serbiya);

Yarim o'rta vazn, 10 raund, IBF Youth kamari uchun jang: Ruslan Selimyan (14-0, 8 KO, Rossiya) – Ivan Kambagire (9-2-1, 4 KO, Uganda);

Engil vazn, 10 raund, IBF Youth kamari uchun jang: Mixail Grigoryan (9-0, 2 KO, Rossiya) – Genri Otemba (9-1, 5 KO, Uganda);

Ikkinchi o'ta engil vazn, 10 raund, IBF European kamari uchun: CHingiz Natirov (10-0, 5 KO, Rossiya) – Mirazizbek Mirzaxalilov (5-0, 4 KO, O'zbekiston);

Ikkinchi yarim engil vazn, 6 raund: Amin Abdullin (2-0, 1 KO, Rossiya) – Adilet Kurmetov (3-0, 1 KO, Qozog'iston);

Yarim o'rta vazn, 10 raund: Sergey Lubkovich (20-0-2, 12 KO, Rossiya) – Havasbek Asadullaev (8-0, 5 KO, O'zbekiston);

Ikkinchi o'rta vazn, 6 raund, Naberejniy CHelniy meri Kubogi uchun: Sergey Sergeev (2-0, 2 KO, Rossiya) – Nekruz Salimov (1-0, 1 KO, Tojikiston).

Birinchi og'ir vaznda: Xalimjon Mamasoliev (O'zbekiston) – Yuriy Kashinski (Rossiya);