Britaniyalik promouter Turki Al ash-SHayx va Dana Uaytni sudga bermoqchi

U yangi Zuffa Boxing promouterlik kompaniyasi akciyadorlarini u bilan tuzilgan shartnomalarni buzganlikda ayblamoqda va boy berilgan foydadan taxminan bir milliard dollar ishlab olmoqchi, deb yozadi The Telegraph.

Uorrenning Queensberry kompaniyasi 2023 yil sentyabr oyida Saudiya Arabistonining SELA kompaniyasi bilan eksklyuziv shartnoma tuzgan, u Turki Al ash-SHayx boshchiligidagi Saudiya Arabistoni ko'ngilochar bosh boshqarmasi bilan bog'liq.

Ularning hamkorligi 2023 yil oktyabr oyida Tayson Fyuri va Frensis Ngannu o'rtasidagi jangni tashkil qilish bilan boshlangan va Queensberry SELA bilan muhim maxfiy malumotlarni baham ko'rgan. Keyinchalik Queensberry UFC va WWE brendlariga egalik qiluvchi TKO Group kompaniyasi bilan ham shartnoma imzoladi va u ham ushbu malumotlarga kirishga muvaffaq bo'ldi.

O'tgan yili SELA va TKO Group ushbu malumotdan foydalanib, Queensberry bilan tuzilgan shartnomalarni buzgan holda, ikkinchisining xabarisiz Zuffa Boxing kompaniyasini tashkil etgan. Joriy yil boshidan Zuffa o'z turnirlarini o'tkazishni boshladi va allaqachon jahon chempioni Jey Opetaya va britaniyalik mashhur bokschi Konor Benn bilan shartnoma imzoladi.

Endi Queensberry ulardan SELA va TKO Group shartnomalarni buzmaganda kompaniya ishlab topishi mumkin bo'lgan bir milliard dollarni undirib olmoqchi. Queensberry allaqachon kompaniyalarga sudgacha bo'lgan davolarni yuborgan va agar davolar qondirilmasa, London Oliy sudiga murojaat qilmoqchi.