"Bu - sharmandalik!" - Paulu Fonseka Trampga Tinchlik mukofoti berilgani va JCH-2026 AQSHda o'tishiga qarshi chiqdi

Portugaliyalik mutaxassis ayniqsa FIFAning AQSH prezidenti Donald Trampga nisbatan munosabatini keskin qoraladi.

"Tramp faqat pul haqida o'ylaydi"

Fonseka AQSH prezidentining tashqi siyosatini tanqid qilar ekan, uning insoniy qadriyatlardan ko'ra iqtisodiy manfaatlarni ustun qo'yishini takidladi:

"Amerika prezidenti odamlar haqida o'ylamaydi, u faqat pul haqida bosh qotiradi. U zaiflarni va yordamga muhtojlarni etibordan chetda qoldiradi. Bu men uchun mutlaqo qabul qilib bo'lmas holat".

JCH-2026 boshqa joyda o'tishi kerakmi?

Murabbiy yaqinlashib kelayotgan Jahon chempionatining manzili borasida ham o'z etirozlarini bildirdi:

"Futbolni sevadigan insonlar Jahon chempionati boshqa joyda o'tishini afzal ko'rishgan bo'lardi. AQSHda emas, hozir emas. Futbol bunga qarshi norozilik bildirish uchun eng yaxshi yo'lmi-yo'qmi, bilmayman, lekin mening poziciyam shunday".

FIFA Tinchlik mukofoti haqida:

O'tgan yilning dekabr oyida Trampga FIFAning Tinchlik mukofoti topshirilgani Fonsekaning haqiqiy g'azabini keltirgan:

"Buni ko'rganimda nimani his qildim? Uyat! Bu juda achinarli holat. Futbol bunga loyiq emas. Bu shunchaki sharmandalik", — dedi Fonseka "L’Équipe" nashriga bergan intervyusida.

Eslatib o'tamiz, Paulu Fonseka bundan avval ham Falastinni qo'llab-quvvatlab va Venesuela atrofidagi voqealarga nisbatan o'z siyosiy qarashlarini faol bildirib kelgan edi.