Bu yil Superligada eng katta smeta "Nasaf"niki edimi?

Ushbu intervyu davomida ilk bor O'zbekiston chempioni bo'lgan murabbiy bir qator savollarga javob berdi. Ular orasida pul mavzusi ham bor edi.

"Bu yil Superligada "Nasaf"ning smetasi bazi bir klublardan ko'ra kamroq edi. To'g'ri menda aniq fakt va raqamlar yo'q. Lekin futbol ichida yurib baribir eshitamiz. Masalan, futbolchilarga yaratilgan sharoitlar va maoshlar bo'yicha biznikilardan ko'proq oylik oladiganlar borligini bilaman.

"Nasaf"da bu yil moliya bo'yicha hech qanday uzilish va qiyinchiliklar bo'lgani yo'q. Rahbariyat va homiylarimiz maoshlar hamda, mukofot pullarini vaqtida to'lab turishdi. Bundan tashqari o'tgan yillarga nisbatan ko'proq futbolchilar jalb etdik. Futbolchi qancha ko'p bo'lsa o'z-o'zidan umumiy maosh miqdori ham ko'p bo'ladi. Rahbariyat oldimizga vazifa qo'ydi va bu vazifa uchun barcha sharoitlarni yaratib berdi", - dedi Ro'ziqul Berdiev championat.asia saytiga.

To'liq intervyuni bugun 20:00da championat.asia saytida tomosha qilishingiz mumkin bo'ladi.