Carukyan Maxachev va dos Anos bilan jang qilishdan bosh tortganini tushuntirdi

"Ha, jangdan bir hafta oldin menga Islam Maxachevni almashtirishni taklif qilishdi. Buni rad etdim, chunki Islamga qarshi emas, Alvares uchun maxsus tayyorgarlik ko'rgandim. Agar tayyor bo'lmasam, Islamga qarshi kurashishim mantiqiymi? U bilan duelga yaxshi tayyorgarlik ko'rishim, kurash mahoratimni oshirishim, ko'p sparring o'tkazishim kerak. Bu butunlay boshqacha jangchi.

Men shoshayotganim yo'q. Men Bobbi Grin emasman, pul uchun jang qiladigan. Jangni rad etganimda, Alvares Islamga qarshi kurashadi deyishdi. Hammasi joyida, deb javob berdim. Menimcha, ular hatto undan so'rashmagan. Suraganida u jangga rozi bo'lardi.

Ikkinchi taklif Fizievning betobligi tufayli raqibsiz qolgan Rafael dos Anos edi.

Alvaresga qarshi jang qilganimda, birinchi raund tugamagan edi. SHon SHelbi mening menejerim Sayatga kelasi hafta Rafael dos Anos bilan jang qilishimni taklif qildi. Jangdan so'ng Sayat menga o'z taklifini aytdi. U rad etishimni allaqachon bilgan edi. Hech qisi yo'q yana imkoniyat bo'ladi"- dedi Carukyan “Vestnik MMA” nashriga bergan intervyusida. 

Carukyanning takidlashicha, Maxachev bilan revansh jangi uning UFC'dagi eng yaxshi jangi bo'ladi.

"Men uchun juda qiziqarli jang. Yaxshi tayyorgarlik ko'rishim uchun kamida olti yoki etti hafta oldin taklif qilinadigan vaqtni kutyapman"- deya qo'shimcha qildi Carukyan

Eslatib o'tamiz, 2019 yil aprel oyida Arman Carukyan UFC'da Islam Maxachevga hakamlar qaror evaziga mag'lub bo'lgandi. SHundan so'ng, rossiyalik beshta g'alabaga erishgan. Hozirda engil vazn toifasi reytingida o'n ikkinchi pog'onani egallab turibdi.