15 iyu 09:58
Yangiliklar

Tennis

CHempion Alkaraz va vice-chempion Jokovich "Uimbldon"dagi ishtiroklaridan qancha ishlab olishdi?

Kecha London shahrida ikki hafta davom etgan tennis bo'yicha "Katta Dubulg'a" turkumiga kiruvchi Uimbldon turniri o'z yakuniga etdi.

Hal qiluvchi final uchrashuvida dunyoning uchinchi raketkasi Karlos Alkaraz ATP reytingida o'zidan bir pog'ona yuqorida borayotgan serbiyalik Novak Jokovichni uch set natijasiga ko'ra ortiqcha qiyinchiliksiz mag'lubiyatga uchratdi - 6/2, 6/2, 7/6(4).

SHu tariqa, ispaniyalik tennischi "Uimbldon"dagi o'tgan yilgi chempionlik unvoni va ochkolarini himoya qildi. Alkaraz o'tgan yilgi finalda ham aynan Novak Jokovichni mag'lub etgan edi. U ikki haftalik mehnatidan 2000 reyting ochkosi hamda 2 million 700 ming funt sterling miqdorida mukofot puli ishlab oldi. Jokovich esa 1300 ochko va 1 million 400 ming funtlik bo'ldi.