CHililik tennischi Rim "Masters" turniri finalida o'ynaydi

CHililik tennischi 1/2 finalda dunyoning 16-raketkasi bo'lib turgan amerikalik Tommi Polni 6/3, 6/7(3), 6/3 hisobida mag'lubiyatga uchratdi. Bu bilan Xarri tennischilarning o'zaro uchrashuvlaridagi hisob muvozanatini ham tiklab qo'ydi - 2:2. 

Ikki soatu 47 daqiqa davom etgan bahsda Xarri 13, Pol 7 ta eys zarbasini amalga oshirgan. Qo'shxatolar ikkala tennischida ham 2 tani tashkil etdi. Breyklar bo'yicha ustunlik g'olib tennischida bo'ldi - 3 ga 1! 

Nikolas Xarri "Masters" turnirlari finaliga etib kelgan ikkinchi chililik tennischiga aylandi. Ungacha Fernando Gonsales 2007 yilgi Rim "Masters" turniri finalida o'ynagan edi. Xarri dushanba kuni yangilanadigan ATP reytingida 17-o'ringa ko'tarilib oladi. Bu uning reytingdagi eng yuqori o'rni bo'ladi. Nikolasi Internazionali BNL d'Italia bosh sovrini uchun germaniyalik Aleksandr Zverevga qarshi kortga chiqadi.