CHimaevning jamoasidagilar uning holati haqida batafsil malumot berishdi

Hozirda BAA sharafini himoya qilayotgan aralash yakkakurash ustasi betobligi tufayli shifoxonaga tushib qolgan. CHimaevning menejeri Maxdi SHammas bo'lib o'tgan holatga batafsil o'z munosabatini bildirdi. 

"Afsuski, Xamzat CHimaev 22 iyun kuniga belgilangan jangida ishtirok eta olmaydi. U Ar-Riyod shahrida reytingning uchinchi pog'onasida borayotgan avstraliyalik Robert Uittakerga qarshi jang o'tkazib, muxlislarini xursand qilmoqchi edi. Ammo surunkali davom etgan kasallik Xamzatni bu imkoniyatdan mahrum qildi. U butun mashg'ulot lageri davomida shu kasallikdan aziyat chekdi. Bir necha bor kasalxonaga ham tushib qoldi. Davolanib chiqib, yana mashg'ulotlarni davom ettirdi. Lekin to'laqonli tashxis qo'yilib, muolajalarni oxirigacha olmadi. 

Xamzatning holati jamoasidan sir saqlanib kelindi, chunki hammasi yaxshi bo'lib ketishiga umid qilingandi. Lekin keyinchalik vaziyat biz o'ylagandan og'irroq bo'lgani uchun jamoasi bilan maslahatlashdik va ortiq bunday davom etmasligiga qaror qildik. Robert singari kuchli jangchiga qarshi bunday tayyorgarlik bilan oktagonga kirib bo'lmaydi.  

Bu Xamzat uchun ham, uning jamoasi va muxlislari uchun ham katastrofik burilish. CHunki, u Saudiya Arabistonidagi UFC turnirining markaziy jangida oktagonga chiqish imkoniyatidan foydalana olmadi. Biz hammamiz bu jangni sabrsizlik bilan kutayotgandik. 

Fursatdan foydalanib, UFC rahbarlari Dana Uayt, Mik Meynard, SHon SHelbi, Xanter Kempbell va shaxsan Turki Al-Ash-sheyx hamda muxislardan bo'lib o'tgan holat uchun uzr so'raymiz. Robert Uittaker hamda uning jamoasidan ham kechirim so'raymiz va ular professional tarzda bizni tushunadilar degan umiddamiz. Hamisha ham biz o'ylagan narsalar bo'lavermaydi. Yaratganning aytgani bo'ladi. Endi Xamzat muolajalarni oxirigacha olib, mashg'ulotlarga yanada kuchli bo'lib qaytadi", — dedi SHammas.