CHiroqchida sport bellashuvlari o'tkazilmoqda

Mazkur musobaqada o'nta jamoadan iborat bo'lgan 80 nafar qizlar ishtirok etdi. Murosasiz bahslarga boy bo'lgan bellashuvlarning yakunida kuchli uchlikdan joy olgan jamoalar tuman jismoniy tarbiya va sport bo'limi hamda 1-bolalar-o'smirlar sport maktabi tomonidan esdalik sovg'alari bilan mukofotlanishdi.  

SHu kuni hamkorlik doirasida ushbu sport maktabida nafis sport turi sanalgan badiiy gimnastika bo'yicha ham bellashuvlar bo'lib o'tdi. Musobaqada 75 nafar qizlar ishtirok etib, bor mahoratlarini ishga solishdi. G'olib sportchi-qizlarga bellashuvlar tashkilotchilari tomonidan diplom va esdalik sovg'alari taqdim etildi.

SHuningdek, “26 iyun - Xalqaro giyohvandlikka qarshi kurashish kuni” munosabati bilan 20 iyun kuni mazkur sport maktabida dzyudo bo'yicha 2005-2010 yillarda tug'ilgan o'g'il bolalar o'rtasida “Biz giyohvandlikka qarshimiz” shiori ostida BO'SM birinchiligi bo'lib o'tdi. 90 nafar yosh dzyudochilar ishtirok etgan birinchilikning yakunida g'olib va sovrindorlar 1-BO'SM hamda tuman jismoniy tarbiya va sport bo'limi tomonidan munosib taqdirlandi.

- Yozgi tatil mavsumi bo'lishiga qaramay, o'g'il-qizlarimizning bellashuvlarda ishtirok etish ishtiyoqi yuqori ekanligi quvonarli hol, - dedi 1-BO'SM direktori Farhod Jumanov. - Davlatimiz rahbari tomonidan ilgari surilgan beshta muhim tashabbusning ijrosini taminlash maqsadida o'tkazilgan ushbu musobaqalar ham xotin-qizlar o'rtasida jismoniy tarbiya va sportni ommalashishiga xizmat qilishi va bo'sh vaqtlarini mazmunli o'tishida xizmat qilishi bor gap. Qolaversa, voleybol, dzyudo va badiiy gimnastika bo'yicha tuman terma jamoalariga munosib bo'lgan yoshlarni saralashda yana bir imkon bo'ldi. Sport turlari bo'yicha bellashuvlar davom etadi. 

Jahon Ergashev, Qashqadaryo viloyati Jismoniy tarbiya va sport boshqarmasi boshlig'i o'rinbosari 

Ilhom RAHMONOV, o'z muxbirimiz