22 avg 11:16
Yangiliklar

Tennis

CHorich - Cincinnati "Masters" g'olibi!

AQSHning Cincinatti shahrida o'tkazilgan tennis bo'yicha "Masters" seriyasiga kiruvchi nufuzli turnir o'z yakuniga etdi.

Musobaqa bosh sovrini dunyoning 152-raketkasiga nasib etdi. Xorvatiyalik Borna CHorich final uchrashuvida dunyoning 7-raketkasi bo'lib turgan greciyalik Stefanos Cicipasni 7/6(0), 6/2 hisobida mag'lubiyatga uchratdi. Tennischilar o'rtasidagi o'zaro uchrashuvda CHorich hisobda oldinga chiqdi - 2:1.

Ikki daqiqasi kam 2 soat davom etgan bahsda CHorich 7, Cicipas 6 ta eys zarbasini amalga oshirdi. Qo'shxatolar Bornada 2, Stefanosda 4 tani tashkil qildi. Western & Southern Open turniridagi g'alaba CHorichga 1000 reyting ochkosi hamda 970,020 dollar mukofot puli keltirdi.

Xorvatiyalik tennischi faoliyatida ilk bor "Masters" turniri bosh sovrinini qo'lga kiritdi. SHuningdek, u reytingi eng past "Masters" chempioniga ham aylandi.