Dana Uayt o'zi bilmagan holda UFC 305 turniri asosiy janglarini aytib qo'ydi + FOTO

U UFC 303 turniri janglarini anons qilayotgan bir paytda 17 avgust kuni o'tkaziladigan UFC 305 musobaqasining asosiy kard janglarini ko'rsatib qo'ydi. Skrinshotdan ko'rinib turibdiki, Avstraliyada o'tkaziladigan turnirning markaziy jangi Israel Adesanya hamda o'rta vaznda UFC chempioni Drikus Dyu Plessi o'rtasida bo'lib o'tadi. 

Oqshomning ko-meynivent jangida esa Song Yadong oktagonga chiqadi. Lekin hozircha uning raqibi yo'q. Katta ehtimol bilan u ikki vaznda sobiq UFC chempioni Genri Sexudoga qarshi oktagonga chiqadi.

Kardning ahamiyati jihatidan uchinchi jangi avstraliyalik yarimo'rta vazn toifasi vakili  Jek Della Maddalena ishtirokida bo'lib o'tadi. Avvalroq, Jekning jarohati sababli Pertdagi raqamlangan turnirni o'tkazib yuborishi haqida xabarlar paydo bo'lgan edi. 

SHuningdek, UFC 305 turnirining asosiy kardidan Stiv Erceg va Drakkar Kloze ishtirokidagi janglar ham o'rin olgan. Ercegning raqibi Kay Kara-Frans bo'lishi aytilmoqda.