Daniel Roman Murodjon Ahmadaliev bilan revansh, vaznni o'zgartirishi mumkinligi va o'zbek boksi muxlislari haqida gapirdi

Eslatib o'tamiz, Roman shu yil boshida o'zbekistonlik Murodjon Ahmadalievga mag'lub bo'lgandi. 

-Salom Denni, o'zbek boksi muxlislari uchun qisqa intervyu bera olasizmi? Bilaman, bizning muxlislar tomonidan kommentlarda siz tomon bosimlar bo'lgan. Lekin haqiqiy boks muxlislari, ushbu sport turini yaxshi tushunadiganlar sizni juda hurmat qilishadi, shu jumladan men ham. Bizga kelajakdagi rejalaringiz haqida gapirib bera olasizmi? Karantinni qanday o'tkazyapsiz? Boshqa vazn toifalarida ham chempion bo'lish istagingiz bormi?

-Umid qilamanki, barcha yana normal hayotga qaytadi va virus davolanadi. Karantin vaqtida ko'p shug'ullana olmayapman. Oilam va o'zimning xavfsizligimizni o'ylayapman. Imkon darajasida xavfsizlikka rioya qilyapman. Ha rejalarim ko'p, vaznimni balki kelajakda ko'taraman yoki tushiraman. Bu yil virus bilan bog'liq vaziyat qanday bo'lishini ko'rishimiz kerak. 

Murodjon Ahmadalievga qarshi revansh o'tkazishni istardim. O'zim va jamoam uchun qulay bo'lgan imkoniyatlarni ko'rib chiqaman. 

O'zbek boks muxlislarini yaxshi ko'raman. Ular ajoyib va menga bo'lgan mehrlarini ko'rsatishgan. Ular meni qo'llab-quvvatlashgan. 

Balki kelajakda 126 funtda (-57,15 kg) jang qilaman, yoki 118 funt (53,5 kg)ga tusharman", - dedi Daniel Roman.