De La Xoyya Ortisning faoliyatini barbod qilishda menejerni aybladi

SHu yil boshida Ortis De La Xoyyaning Golden Boy promouterlik kompaniyasi bilan shartnomani bekor qilish talabi bilan sudga murojaat qilgandi. Argumentlardan biri promouterning translyaciya shartnomasi yo'qligi edi, ammo yaqinda Golden Boy va DAZN yangi uzoq muddatli shartnomani elon qildi.

Sud esa Ortisga Golden Boy bilan shartnomasi bo'yicha hakamlik jarayoni yakunlanmaguncha uchinchi shaxslar bilan jang o'tkazish bo'yicha shartnomalar imzolashni taqiqladi va bu har qanday sud kabi cho'zilib ketishi mumkin.

"Bu ilon uchun hammasi axlatga aylandi, - dedi De La Xoyya ijtimoiy tarmoqdagi videoda Mirijiana haqida. - Nevada sudi Virjilni jangsiz qoldirganidan bir necha hafta o'tgach, biz DAZN bilan hamkorlikni uzaytirganimizni elon qildik. Endi u adashganini tushunib etdi".

De La Xoyyaning so'zlariga ko'ra, endi u sud qarorini kutmoqchi va Mirijian bilan boshqa ishlamaydi.

"Rik to'satdan menga qayta qo'ng'iroq qilib, ishlarni to'g'rilashni so'rab, xabarlar yog'dira boshladi, - deya qo'shib qo'ydi De La Xoyya. - Ablah, sen bokschimni shartnomani bekor qilish uchun meni sudga berishga ko'ndirgan eding. Hozir Virjilning martabasi sening ochko'z maslahatlaring tufayli barbod bo'ldi. Kelishmoq vaqti o'tdi. Sen meni ko'mmoqchi bo'lding, lekin o'zingni ham, Virjinni ham dog'da qoldirding. Hozir seni faqat huquqshunoslardan dahshatli hisob-kitoblar kutmoqda. Men endi hech qachon Rik Mirijian bilan ishlamayman va bokschilar ehtiyot bo'lishlari kerak".