Devis Kubogi. Yannik Sinner Italiyani finalga olib chiqdi

Sinner Avstraliya terma jamoasiga qarshi kechgan 1/2 final uchrashuvida ATP reytingida 9-o'rinni egallab turgan Aleks De Minaurni 6/3, 6/4 hisobida mag'lubiyatga uchratdi. Tennischilarning o'zaro uchrashuvlaridagi hisob o'ta yiriklashib ketdi - 9:0. 

Bir soatu 29 daqiqa davom etgan bahsda Sinner 4, De Minaur 5 ta eys zarbani amalga oshirdi. Italiya esa Avstraliyadan 2:0 hisobida ustun kelib, finalga yo'l oldi. Endi "Moviy gvardiya" Devis Kubogi bosh sovrini uchun Niderlandiyaga qarshi bahs olib boradi.