Donald Tramp O'zbekiston MTJga JCH-2026`da omad tiladi

O'zbekiston – AQSH strategik sheriklik munosabatlarini yanada mustahkamlash va o'zaro manfaatli hamkorlikni kengaytirishning amaliy jihatlari batafsil ko'rib chiqildi.

Suhbat avvalida AQSH Prezidenti so'nggi yillarda Yangi O'zbekistonda iqtisodiyotni modernizaciya qilish va aholi farovonligini oshirish borasida amalga oshirilayotgan ortga qaytmas islohotlarni yuksak baholadi va qo'llab-quvvatladi.

Kelgusi yili AQSHda bo'lib o'tadigan futbol bo'yicha jahon chempionatida O'zbekiston milliy terma jamoasi ilk bor ishtirok etishi mamnuniyat bilan qayd etildi. AQSH etakchisi futbol terma jamoamizga chin dildan omad tiladi.

Telefon muloqoti chog'ida davlat rahbarlari dolzarb xalqaro masalalar, jumladan, Markaziy Osiyo davlatlari va AQSHning “C5+1” shaklidagi mintaqaviy hamkorligini chuqurlashtirish yuzasidan ham fikr almashdilar.

Davlatimiz rahbari Prezident Donald Trampni o'zi uchun qulay muddatda O'zbekistonga rasmiy tashrif bilan kelishga taklif etdi. Amaliy hamkorlik bo'yicha loyiha va dasturlarni ilgari surish maqsadida oliy darajadagi muloqotlarni davom ettirishga kelishib olindi.

O'zbekiston Respublikasi Prezidenti SHavkat Mirziyoev va AQSH Prezidenti Donald Trampning telefon orqali muloqoti ochiq, konstruktiv va do'stona ruhda o'tdi.