29 iyu 18:58
Yangiliklar
Tennis
Donna Vekich Bad Homburg Open finalida
Germaniyaning Bad-Xomburg shahrida o'tkazilayotgan maysa qoplamali WTA turniri o'zining hal qiluvchi bosqichiga etib keldi.
Bad Homburg Open turnirida finalchilar aniqlandi. Dunyoning 49-raketkasi bo'lib turgan xorvatiyalik Donna Vekich 1/2 finalda WTA reytingida 58-pog'onadan joy olgan bolgariyalik Viktoriya Tomovani mag'lubiyatga uchratdi - 6/0, 7/6(6).
Bu tennis malikalarining o'zaro o'tkazgan ilk uchrashuvi bo'ldi. Bir soatu 41 daqiqa davom etgan bahsda Vekich 10, Tomova 2 ta eys zarbasini amalga oshirgan. Qo'shxatolar Donnada ko'proq bo'ldi - 4 ga 2. Breyklar bo'yicha ustunlik ham tabiiyki, g'olib tennischida bo'ldi - 4 ga 1. Endi u finalda rossiyalik Diana SHnayderga qarshi kortga chiqadi.
Havola :
Manba : gotennis
Fikrlar