10 may 17:46
Yangiliklar

Tennis

Mariya Timofeeva Istanbul Open chempioni!

O'zbekistonning uchinchi raketkasi Mariya Timofeeva hozirgina Turkiyaning Istanbul shahrida yakuniga etgan WTA 125 toifasiga kiruvchi turnir bosh sovrinini qo'lga kiritdi.

Vakilamiz hal qiluvchi final uchrashuvida dunyoning sobiq 17-raketkasi xorvatiyalik Donna Vekichga qarshi kortga chiqdi. To'qson ikki daqiqa davom etgan bahsda Mariya turnirda birinchi raqam ostida tasniflangan nomdor raqibasini ortiqcha qiyinchiliksiz mag'lubiyatga uchrata oldi - 6:4, 6:2.

Taqqoslash uchun, Mariya Timofeeva ayni paytda WTA reytingida 136, 29 yoshli Donna Vekich esa 89-o'rinni egallab turibdi. Hamyurtimiz Istanbul turnirida oltinchi raqam ostida tasniflangan edi. Bu tennischilarning o'zaro o'tkazgan ilk uchrashuvi bo'ldi. Timofeeva bitta eys zarbasini amalga oshirib, bitta qo'shxatoga yo'l qo'ydi. Donnada qo'shxatolar 3 tani tashkil qildi, u eys zarbasini ijro eta olmadi.