U-23 Jahon chempionati. Doniyorxon Nakibov bronza medali uchun kurashadi

Musobaqaning ilk kunida O'zbekiston yunon-rum kurashi jamoasining to'rt nafar vakili — Xusniddin Olimboev (63 kg), Doniyorxon Nakibov (77 kg), Murodjon Olimjonov (87 kg) hamda Damirxon Rahmatov (130 kg) gilamga ko'tarildi.

Ahamiyatlisi, ular orasidan 77 kg vazn toifasidagi Doniyorxon Nakibov musobaqa yarim finaliga qadar etib bordi. Mazkur bosqichda hamyurtimiz gruziyalik Temuri Orjonikidzega imkoniyatni boy berib qo'ydi. Endi Nakibov bugun Jahon chempionati bronza medali uchun bahs olib boradi. Uning bu yo'ldagi raqibi nomi keyinroq malum bo'ladi.

SHuningdek, kecha kurashgan sportchilarimizdan yana biri — Murodjon Olimjonov (87 kg) bugun o'tish bosqichida ishtirok etadi.

U-23 Jahon chempionatining ikkinchi kunida (21 oktyabr) ishtirok etadigan kurashchilarimiz:

55 kg: Xojiakbar Qo'chqorov (saralash bosqichi)

67 kg: Oybek SHaribjonov (saralash bosqichi)

72 kg: Abror Atabaev (saralash bosqichi)

77 kg: Doniyorxon Nakibov (bronza medali uchun)

87 kg: Murodjon Olimjonov (o'tish bosqichi)

97kg: Javohir SHodiyorov (saralash bosqichi).