Dunyoning beshinchi raketkasi "Rolan Garros"da ishtirok eta olmaydi

Jessika Pegulaning "Katta Dubulg'a" turkumiga kiruvchi Franciya Ochiq chempionatini muxlis sifatida kuzatishiga to'g'ri kelmoqda. 

— Afsuski, "Rolan Garros" turnirida ishtirok eta olmayman. Men deyarli to'laqonli mashg'ulotlarga qaytgandim. Bir necha hafta davomida sog'lig'imda muammo sezmadim. Lekin baribir extiyotkorlikni unutganim yo'q. Agar ixtiyorimda tiklanish uchun yana 5-7 kun bo'lganida edi, men turnirga 100 foiz tayyor bo'lardim, — dedi Pegula. 

Eslatib o'tamiz, "Rolan Garros" turniri bugun boshlanadi va 9 iyun kuniga qadar davom etadi.