Dunyoning birinchi raketkasi Pekinda irodali g'alabaga erishdi

Dunyoning birinchi raketkasi Yannik Sinner musobaqa startida irodali g'alabaga erishdi. Musobaqaning amaldagi chempioni hisoblangan italiyalik tennischi ilk davrada reytingning 28-pog'onasida borayotgan chililik Nikolas Xarriga qarshi kortga chiqib, uch set natijasiga ko'ra g'alaba qozondi - 4/6, 6/3, 6/1.

Bir soatu 56 daqiqa davom etgan bahsda Sinner 1, Xarri 12 ta eys zarbani amalga oshirgan. Ikkala tennischi ham bittadan qo'shxatoga yo'l qo'ygan. Breyklar bo'yicha ustunlik Yannik tomonida - 4 ga 1. Sinner tennischilarning o'zaro uchrashuvlarida muvozanatni tiklab qo'ydi - 1:1.