Dunyoning birinchi raketkasi yangi mavsumning 6 oyida qaysi turnirlarda qatnashishi malum

Yani, italiyalik raketka ustasi mavsumning birinchi qismida o'zi qatnashadigan turnirlari ro'yxatini oshkor qildi. 

Yannik yanvar-may oylarini o'z ichiga olgan yarim yillik taqvimdan o'rin olgan ilk musobaqasini Australian Open`dagi ishtirokidan boshlaydi. "Katta Dubulg'a" turkumiga kiruvchi Avstraliya Ochiq chempionati 12-26 yanvar kunlari oralig'ida o'tkaziladi. Olti oylikdagi so'nggi turniri ham "Katta Dubulg'a" turkumiga kiruvchi "Rolan Garros" musobaqasi bo'ladi.

Yannik Sinner qatnashadigan olti oylikdagi turnirlar ro'yxati:

• Australian Open (yanvar)

• ATP 500 Rotterdam (fevral)

• ATP 500 Doha (fevral)

• Indian-Uells "Masters" (mart)

• Mayami "Masters" (mart)

• Monte-Karlo "Masters" (aprel)

• ATP 500 Myunxen (aprel)

• Madrid "Masters" (aprel)

• Rim "Masters" (may)

• "Rolan Garros" (may)

Malumot uchun, italiyalik tennischi 2024 yilda jami 84 ta uchrashuv o'tkazib, ularning 78 tasida (93%) g'alaba qozongan. Mavsum davomida u 9 ta ATP turnirlari bosh sovrinini qo'lga kiritdi. Ular orasida Australian Open va US Open turnirlari chempionligiyam bor. Yannik 2024 yilda faqat mukofot pullarining o'zidan taxminan 17 million AQSH dollari ishlab topdi.