Elena Ribakina Doha turniri finaliga chiqdi

Dunyoning to'rtinchi raketkasi, qozog'istonlik Elena Ribakina 1/2 finalda WTA reytingida 32-pog'onada borayotgan rossiyalik Anastasiya Pavlyuchenkovani 6/2, 6/4 hisobida mag'lubiyatga uchratdi. Tennischilarning o'zaro uchrashuvlaridagi hisob muvozanati tiklandi - 1:1.

To'qson bir daqiqa davom etgan bahsda Ribakina 3, Pavlyuchenkova 2 ta eys zarbasini amalga oshirgan. Ikkala tennischi ham 2 tadan qo'shxatoga yo'l qo'ydi. Elena bu yilgi mavsumda uchinchi bor finalda o'ynaydi.