Elina Svitolina Monterreydagi yurishini to'xtatdi

Dunyoning 35-raketkasi Linda Noskova musobaqaning 1/2 finaliga yo'l oldi. CHexiyalik tennis malikasi 1/4 finalda WTA reytingida o'zidan 7 pog'ona yuqorida borayotgan ukrainalik Elina Svitolinani ikki setda ham bir xil hisobda mag'lubiyatga uchratdi - 6/4, 6/4.

Tennischilarning o'zaro ikkinchi uchrashuvida ham Linda g'alaba qozondi - 2:0. Sakson ikki daqiqa davom etgan bahsda Noskova 3, Svitolina 2 ta eys zarbasini amalga oshirgan. Qo'shxatolar Linadada ko'proq bo'ldi - 4 ga 2. Breyklar bo'yicha ustunlik ham aynan u tomonda - 2 ga 0! Endi u 1/2 finalda amerikalik Emma Navarroga qarshi kortga chiqadi.