Elina Svitolinada kutilmagan mag'lubiyat

Ukrainalik tennis malikasi ikkinchi davrada WTA reytinngida 55-pog'onadan joy olgan ispaniyalik Sara Sorribes-Tormoga qarshi kortga chiqib, kutilmaganda ikki set natijasiga ko'ra raqibasiga imkoniyatni boy berib qo'ydi - 3/6, 5/7.

Bu tennischilarning o'zaro o'tkazgan ilk uchrashuvi edi. Ikki soatu 13 daqiqalik bahsda Svitolina 2 ta eys, 4 ta breykni amalga oshirdi. Sorribes-Tormo esa eys zarbani ijro eta olmadi, 3 ta qo'shxatoga yo'l qo'ydi va 7 ta breykka erishdi. Endi Sara uchinchi bosqichda belaruslik Viktoriya Azarenkoga qarshi kortga chiqadi.