09 iyu 10:57
Yangiliklar

Tennis

Elina Svitolinaning "Uimbldon"dagi yurishi davom etmoqda

Dunyoning 21-raketkasi Elina Svitolina "Katta Dubulg'a" turkumiga kiruvchi Uimbldon turnirining 1/4 final ishtirokchisiga aylandi.

Ukrainalik tennis malikasi 1/8 finalda WTA reytingida 42-pog'onasida borayotgan xitoylik Van Sinyuni ortiqcha qiyinchiliksiz mag'lubiyatga uchratdi - 6/2, 6/1. Bu tennischilarning o'zaro o'tkazgan ilk uchrashuvi edi.

Elina 56 daqiqa davom etgan bahsda 8, Van Sinyu 3 ta eys zarbani amalga oshirgan. Qo'shxatolar CHin yurti vakilasida ko'proq bo'ldi - 4 ga 1. Breyklar bo'yicha mutlaq ustunlik Svitolina tomonida - 4 ga 0. Ukrainalik qatorasiga ikkinchi yil musobaqaning 1/4 finalida o'ynaydi.