Endi Ruis o'z ro'yxatiga Usikni qo'shmadi

Meksikalik jahon chempioni Joshuaga qarshi kechadigan jangdan so'ng kimlar bilan to'qnash kelishi mumkinligini aytgan. Ushbu ro'yxatda yaqindagina superog'ir vaznda debyut qilgan ukrainalik Aleksandr Usik yo'q. 

"Hozir bor etiborimni 7 dekabr kuni o'tkaziladigan jangimga qaratganman. Menga g'alaba kerak. Joshuaga qarshi jangdan keyin Deontey Uaylder bilan ringda to'qnash kelmoqchiman. Biz u bilan do'stmiz, bir jamoadanmiz, ikkimiz ham promouter El Xeymon bilan shartnoma imzolaganmiz. Bu tomondan jang yuzasidan kelishib olish qiyin bo'lmaydi. 

SHuningdek, Tayson Fyuri bilan ham jang qilmoqchiman. Jozef Parkerga qarshi revansh jangi ham yaxshi variant. Bu ro'yxatga Usikni qo'shmagan bo'lardim", - dedi Ruis.

Eslatib o'tamiz, aynan Aleksandr Usik WBO yo'nalishi bo'yicha Ruis - Joshua jangi g'olibiga qarshi ringga chiqishi shart. Ukrainalik WBO kamamari uchun rasmiy davogar hisoblanadi.