25 sen 08:59
Yangiliklar
![](/upload/storage/88035_220.jpg)
Fazliddin G'oibnazarov SHahram G'iyosovga: “Men seni o'ldiraman!”
Tadbirda Rio Olimpiadasining kumush medali sovrindori, jahon chempioni O'zbekiston yoshlari oldida o'z hayoti va sportdagi faoliyati haqida gapirib berdi. SHahram suhbat chog'ida aynan Olimpiada licenziyasiga ega chiqish uchun Fazliddin G'oibnazarov bilan bo'lgan bahsga to'xtalib o'tdi.
“2014 yil O'zbekiston chempionatida kutilmaganda -64 kg vazn toifasida o'z qadrdonim, akam deb bilgan inson Fazliddin G'oibnazarov bilan chempionlik, shu bilan birga terma jamoadagi birinchi o'rin uchun finalda bahs olib borishimizga to'g'ri kelib qoldi. Finaldan bir kun oldin Fazliddin aka meni yoniga chaqirib, endi nima qilamiz degan savolni o'rtaga tashladi. SHunda, kim kuchli bo'lsa, o'sha g'oliblikni qo'lga kiritadi deb kelishdik. Bundan oldin bir-birimizga qarshi jang qilish haqida hecham o'ylab ham ko'rmagan edik.
Final jangi kuni ringga chiqib jiddiy bo'lish o'rniga ikkovimiz ham bir-birimizga qarab kulganimiz-kulgan edi. Hakam oldiga yaqinlashgach, Fazliddin G'oibnazarov menga qarab, fors tilida seni o'ldiraman dedi. SHunda men ham, u ham kulib yubordik. Bahs 2:1 hisobida uning ustunligi bilan yakunlandi. O'sha paytda xatto boksni tashlab ketishga ham tayyor bo'lganman. Lekin baxtimga -69 kg vaznga ko'tarilib, Rio Olimpiadasi yo'llanmasi uchun kurashish imkoniyati yuzaga kelib qolgan", - dedi SHahram G'iyosov.
SHahram G'iyosovning so'zlariga ko'ra, u o'zbek bokschilari orasida aynan Fazliddin G'oibnazarov bilan juda ham mustahkam do'stlik rishtalariga ega. Nima ham derdik, do'stligingizga ko'z tegmasin!
Islom Oxunov tayyorladi
Fikrlar