Fazliddin G'oibnazarovning chempionlik jangiga bir qadam qoldi

Biz Rio Olimpiadasi chempioni bilan bog'liq yangiliklarni bilish maqsadida AQSHda, shogirdining yonida bo'lib turgan murabbiyi Abror Tursunpo'latov bilan bog'landik.  

"9 dekabr kungi jangda g'alaba qozonsak, chempionlik jangiga bir qadam qoladi. Ushbu jang 8 raundlik jang maqomida bo'ladi. Ayni paytda uning reytingdagi o'rni ko'tarilib boryapti. Yana 2-3ta jangdan so'ng chempionlik jangi tashkil qilinishi mumkin. CHempionlik kamari uchun jang kamida 10 raund bo'ladi. Agar dekabrdagi jangni yutsak, kuchli yuztalikka kirib olamiz. Keyin esa yana bitta jang o'tkaziladi va bu bilan chempionlik uchun davogarlik qilishimiz mumkin.

Aslida 9 dekabr kungi raqibimizni reytingda tezroq ko'tarilish uchun almashtirdik. Promouterlarning raqibni almashtirish haqidagi taklifiga hech ikkilanishsiz rozi bo'ldik. Uning navbatdagi raqibi rossiyalik bokschi Kaliforniyada mashg'ulotlarini o'tkazadi. O'z vaqtida hozir mutloq jahon chempioni bo'lib turgan amerikalik Terens Krouford bilan chempionlik jangida ham ishtirok etgan", - dedi Abror Tursunpo'latov.