07 noy 18:29
Yangiliklar
Fazliddin G'oibnazarovning jang sanasi va manzili malum bo'ldi
Dunyoga mashhur Top Rank promouterlik kompaniyasi mijozi hisoblangan charm qo'lqop ustamiz 16 dekabr kuni Qozog'istonning Almati shahrida o'tkaziladigan prof boks oqshomida ringga chiqadi.
Bu haqda bizga Fazliddinning murabbiyi Abror Tursunpo'latov xabar berdi. Abror akaning aytishicha, ushbu boks kechasi Britaniyaning MTK Global promouterlik kompaniyasi tomonidan tashkil etilmoqda.
"Viza bilan bog'liq muammo sabab G'oibnazarovning AQSHga yo'l olishi biroz kechikmoqda. Bu vaziyatda Top Rank Fazliddin uchun Almatidagi boks oqshomidan jang tashkil etib bermoqda. Top Rank va MTK Global kompaniyalari o'rtasida hamkorlik yo'lga qo'yilgan. Tez orada bokschimizning raqibi elon qilinadi. Hozirda bu borada muzokara davom etyapti", - deydi Tursunpo'latov.
Eslatib o'tamiz, Fazliddin G'oibnazarov so'nggi jangini AQSHning Arizona shtati, Tuson shahrida amerikalik Maykl Foksga qarshi o'tkazib, biroz kutilmaganda 92:96, 92:96, 93:95 hisobida imkoniyatni boy berib qo'ygandi.
Fikrlar