Federer faoliyatidagi so'nggi o'yini haqida: Men baxtliman, xafa emasman

“Bu ajoyib kun edi. Yigitlarga baxtliman, xafa emasman, dedim. Men xursandchilik bilan krossovkalarimdagi bog'ichlarni qayta bog'ladim. Hammasi oxirgi marta edi.

Qiziq, o'yindan so'ng atrofda yigitlar, yaqinlarim, do'stlarim borligi tufayli men unchalik stressga tushmadim. Lekin o'yin davomida oyog'im yoki belim og'rib qolishidan qo'rqdim. Butun o'yinni o'ynay olganimdan juda xursandman.

Uchrashuv ajoyib o'tdi, men juda ham xursandman. Hammasi ajoyib bo'ldi.

Va, albatta, Rafa bilan bir jamoada o'ynash, barcha yigitlar va afsonalar safida bo'lish... Raket (Rod Leyver), Stefan Edberg, rahmat. (Yig'lay boshlaydi).

Atrofda yigitlar borligi juda yaxshi bo'ldi. O'yindan so'ng, oxirgi marta kortga chiqqanimda o'zimni yolg'iz his qilishni xohlamadim. Va bu ajoyib o'tdi. Lekin jamoa bilan xayrlashish...

SHu vaqtgacha men bilan birga bo'lgan jamoamga rahmat. Endi, Tomas, Novak, Matteo, Cam, Stefanos, Rafa va Kasper sizlarga rahmat aytaman. Va, albatta, boshqa jamoa azolariga ham. Yigitlar, siz aql bovar qilmaydigan insonsizlar. "Leyver Kubogi"ni ko'p marta o'ynash - bu juda yoqimli.

Va menda bu bayramdek bo'lganini his qildim. Men bu tuyg'uni his qilishni doim xohlardim va shunday bo'ldi. Tennis o'ynashdan va do'stlarim bilan vaqt o'tkazishdan xursand bo'ldim. Bu ajoyib sayohat bo'ldi va men buni mamnuniyat bilan takrorlayman. (Yig'lab).

Bu ajoyib, ajoyib, juda ajoyib edi. Hammaga raxmat. Ko'pchilik meni qo'llab-quvvatladi va bu men uchun juda muhim (yig'lab).

Federer shuningdek, rafiqasi Mirkaga ham minnatdorchilik bildirdi: “U meni ancha oldin to'xtatishi mumkin edi. Lekin u bunday qilmadi. U menga kuch berdi va o'ynashda davom etishimga yordam berdi. Bu ajoyib. Rahmat (yig'lab)"