Franciya prezidenti Tomas Baxni qabul qildi

Samarali o'tgan uchrashuv paytida koronavirus pandemiyasidan keyingi davrda XOQ oldida Olimpiya o'yinlarini tashkil etish bo'yicha turgan yangi vazifalar to'g'risidagi masalalar muhokama qilindi.

“Prezident Emmanuel Makron va men dunyo to'qnash kelishda davom etayotgan, salomatlikning misli ko'rilmagan inqirozi davridan keyin sport va uning faoliyati muhimligi to'g'risida gaplashdik”, – deb bayonot berdi Bax uchrashuvdan keyin.

Tomas Bax Franciya prezidentiga Xalqaro Olimpiya qo'mitasining BMT Barqaror rivojlanish sohasidagi maqsadlariga nisbatan niyatlarini yodga soldi.

“Barqarorlik ham betaraf bo'lgan tashkilot – XOQni isloh qilish dasturi asoslaridan biridir. Prezident Makron va Parij-2024 Olimpiya o'yinlari Tashkiliy qo'mitasi bilan o'tgan uchrashuv 2024 yilda iqlimga ijobiy tasir ko'rsatadigan Olimpiadani o'tkazish borasida fikr almashish imkoniyatini berdi. Franciya prezidenti ham bu masalani o'zi qo'llab-quvvatlashini bildirdi”, – dedi Tomas Bax.

Ular, shuningdek, Olimpiya o'yinlarini koronavirus pandemiyasidan keyingi dunyo uchun soddalashtirilgan yondashuv asosida, rejalashtirilgan byudjetga hamda Olimpiya o'yinlarining davatlari va qadriyatlari uzatilishiga amal qilgan holda moslashtirish loyihasini muhokama qildilar.

Prezident Makron ham Olimpiya o'yinlarining siyosiy betaraflikka rioya etib, butun jahonni birlashtirish salohiyatini yuqori baholadi.

Elisey saroyida XOQ prezidentiga Parijda 2024 yilda bo'lib o'tadigan Olimpiya o'yinlari Tashkiliy qo'mitasining prezidenti Toni Estange va XOQ Bosh direktori Kristof de Kepper hamrohlik qildilar.