Hasanboy Do'smatov ko'cha jangida ishtirok etdimi? (VIDEO)

Xabardor.uz muxbiri ushbu voqeaga aniqlik kiritish maqsadida O'zbekiston professional boks federaciyasi bilan bog'landi. Federaciya vakilining malum qilishicha, video tasvirdagi shaxs Hasanboy Do'smatov emas.

Eslatib o'tamiz, joriy yilning 17 noyabr kuni 2016 yilgi Rio olimpiadasi chempioni Hasanboy Do'smatov professional boksdagi ilk jangini o'tkazgan edi. Meksikada tashkil etilgan debyut jangini u meksikalik Xesus Servantes Vilyanuevaga qarshi o'tkazib, nokaut evaziga g'alaba qozongan edi. 

Hasanboy professional faoliyatini birinchi o'ta engil – 48,99 kg. vazn toifasida boshladi.

Daryo.uz sayining malum qilishicha, ushbu janjal aslida O'zbekistonda emas, balki Rossiyada yuz bergan. Videodagi jabrlanuvchi CHechenistonning Argun shahri policiyasining sobiq rahbari Ayub Kataevdir.

Ayub Kataevni 3 noyabr kuni Moskvadagi to'qimachilik korxonasi yaqinida joylashgan bar oldida kaltaklashgan.

Guvohlarning so'zlariga ko'ra, Kataev osiyocha ko'rinishga ega ikki erkak bilan tortishib qolgan. Kataev ulardan birini turtgan. SHundan so'ng erkaklar uning jag'iga ikki marta tushirib, erga yiqitgan.

Janjaldan biroz vaqt o'tib, Kataev IIBga ariza bilan murojaat qilgan.

Qayd etilishicha, chechenistonlik policiyachini urgan erkaklarning shaxsi aniqlanmagan.