17 noy 08:38
Yangiliklar
Boks/MMA
Hasanboy Do'smatov prof boksdagi ilk jangini o'tkazdi + FOTO
Ayni daqiqalarda Meksikaning Guanaxuato shtati mamuriy markazi hisoblangan San-Migel-de-Alende shahrida professional boks kechasi bo'lib o'tmoqda.
Biz uchun ahamiyatlisi, Plaza De Toros arenasida o'tayotgan ushbu boks oqshomida hamyurtimiz Hasanboy Do'smatov ringga ko'tarildi. Hozirgina yakuniga etgan jangda Rio-2016 Olimpiadasi chempioni meksikalik 19 yoshli bokschi Xesus Servantes Villanuevaga qarshi ringga chiqdi.
Hasanboy o'zining prof boksdagi debyut jangi muddatidan avval chiroyli g'alaba bilan yakunladi. Bokschimiz jangning ikkinchi raundida kuchli zarba evaziga raqibini nokautga uchratdi va debyutini muvaffaqiyatli nishonladi.
Malumot uchun, 19 yoshli Xesus bugun prof ringda 17-jangini o'tkazdi va sakkizinchi mag'lubiyatini qabul qilib oldi. U shu kungacha 9 ta jangda g'alaba qozongan, shularning 5 tasi nokaut bilan edi.
Havola :
Manba : olamsport.com
Fikrlar