"Humo" Qozog'iston chempionatiga qaytmoqda

Bu borada O'zbekiston xokkey federaciyasi kelishuvga erishgan. Yaqin orada ishtirok bilan bog'liq boshqa meyoriy hujjatlar rasmiylashtiriladi. 

Eslatib o'tamiz, Toshkent jamoasi bungacha Qozog'iston chempionatida qatnashgan. Debyut 2019-20 yilgi mavsumda jamoa 10-o'rinni egallagandi. 

Andrey Sachuk, QHL boshqaruvchi direktori: 

- "Humo"ning ishtiroki chempionatimiz uchun ijobiy holat. Sog'lom raqobat xech kimga zarar qilmaydi. Toshkent klubi ligadagi dastlabki mavsumdan keyin ham ishtirokchilar safida qolmoqchi edi, lekin koronavirus bilan bog'liq cheklovlar bunga halal berdi. Endi esa barchasi yaxshi bo'lishiga umid qilamiz va  "Humo"ning qaytishi xokkey rivojiga xizmat qiladi. Ehtimol bu Qozog'iston chempionatida ishtirok etishni istaydigan boshqa mamlakat jamoalari uchun stimul bo'lar. SHuni qo'shimcha qilmoqchimanki,  "Humo" avgustning ikkinchi yarmida bo'ladigan Qozog'iston kubogida ham qatnashmoqchi.

Baxodir Gafurov, O'zbekiston xokkey federaciyasining birinchi vice-prezidenti:

"Humo" o'yinga qaytmoqda. Yangi mavsumda klub koronavirus sababli yuzaga kelgan ikki yillik tanaffusdan so'ng "Pro Hokey Ligasy"dagi ishtirokini boshlaydi. Umid qilamanki, bu O'zbekiston va Qozog'iston xokkey muxlislarini xursand qiladi. Qozog'iston chempionatida mahoratli jamoalar yig'ilgan, umuman olganda daraja yuqori. Ishonchim komilki,  "Humo"ning turnirdagi ishtiroki mamlakatimizda xokkeyning ommaviylashuvi va rivojiga xizmat qiladi.

Avvalroq, "Humo" xokkey klubining yaqin orada yana katta musobaqalarga qaytishi haqida xabar bergan edik.