Husniddin Nishonov: "Kosta-Rikani nima qilib bo'lsa ham yutishimiz lozim"

- O'yin haqida

- O'yin haqida nima ham deyishim mumkin? Biz hozir juda ham og'ir ahvoldamiz. Har doimgidek, qo'rqib o'ynayapmiz. 2 ta stantdart orqali darvozamizdan 2 ta to'p olib chiqdik. SHu bilan o'yin izidan chiqib ketdi. Tushunarsiz holatdamiz. Muxlislardan, xalqimizdan uzr so'raymiz. 

- Siz va boshqa futzalchilar tomonidan Elbek To'lqinovga ko'plab etirozlar bildirildi...

- Faqat Elbek To'lqinov xato qilmadi. Hammamiz ko'plab xatolarga yo'l qo'ydik. Birgina Elbek yutqazmaydi, butun jamoa yutqazadi. Bizda hali ham imkoniyat bor. Kosta-Rikani qanaqa qilib bo'lsa ham mag'lub etishimiz kerak. Hammasi o'z qo'limizda, bu imkonni oy bermasligimiz kerak.

- Mana 2 ta o'yin ortda qoldi. Biroq terma jamoa standart vaziyatlar orqali aytarli vaziyat yaratmadi. Bu borada nima deya olasiz?

- Buni ko'rib chiqamiz. Kosta-Rikani nima qilib bo'lsa ham yutishimiz lozim. Musobaqa uyimizda o'tyapti, salbiy natija bo'lmasligi kerak deb o'ylayman.

- Jarohatingiz qay darajada?

- Alhamdulilloh, hozir barchasi joyida. 

- Bugun muxlislar tinim bilishmadi...

- Muxlislar bizni qo'llab-quvvatlashda davom etishsin, keyingi bahsda albatta o'zimizni ko'rsatamiz.