IBAdan chiqish haqida gapirgan Golovkin rossiyaliklar tanqidiga uchradi

Rossiyalik murabbiy Eduard Kravcov bu haqida fikrlarini bildirdi. 

"Fikrimcha, Gennadiyda ayni paytda barcha buyuk bokschilardek muammo bor. U qozog'istonliklar ishonchi va yuqori lavozimga erishdi. Ammo havaskor boksda ro'y berayotgan voqealarga moslasha olmayapti. 

Gennadiy buyuk va taniqli bokschi, shuningdek boy ekanligini ham yoddan chiqarmaslik kerak. Gap shundaki - u boy. Qorni to'qning esa qorni och bilan ishi yo'q. Qozog'istonlik bokschilarni World Boxing'ga chorlash...

Gennadiy qozog'istonlik bokschilarni och qoldirmoqchi va eshiklarni yopib qo'ymoqchi. Barcha bokschilar Gennadiy kabi boy va buyuk bo'lishni istashadi. Bu tashkilot taklif etayotgan narsa esa birinchisini ham, ikkinchisini ham bermaydi. 

Taqvim yo'q, moliyalashtirish yo'q. Lekin qandaydir siyosiy maqsadlar bor. U yo'q joydan tashkil etishdi", - dedi Rossiya boks federaciyasi murabbiylar shtabi raisi hisoblanadigan Kravcov.