26 apr 11:10
Yangiliklar

Tennis

Iga Svyontek Madrid WTA 1000 turniri uchinchi davrasiga chiqdi

Sayyoramizning birinchi raqamli tennischisi Iga Svyontek Ispaniyaning Madrid shahrida o'tkazilayotgan nufuzli turnirning uchinchi davrasiga yo'l oldi.

"Katta Dubulg'a" musobaqalarining to'rt karra chempioni, polshalik 22 yoshli tennis malikasi WTA 1000 toifasiga kiruvchi turnirning ikkinchi davrasida WTA reytigida 52-pog'onada borayotgan xitoylik Siyuy Vanni ortiqcha qiyinchiliksiz mag'lubiyatga uchratdi - 6:1, 6:4.

Davomiyligi 76 daqiqa bo'lgan bahsda Svyontek 3 ta eys, 3 ta qo'shxato va 4 ta breyk-poynt qayd etdi. Iga endi turnirning uchinchi davrasida dunyoning 30-raketkasi, ruminiyalik Sorana Kirstyaga qarshi kortga chiqadi.