06 sen 11:16
Yangiliklar

Tennis

Iga Svyontek US Open bosh sovrini sari yurishini davom ettiradi

Sayyoramizning birinchi raqamli tennis malikasi Iga Svyontek AQSH Ochiq chempionatining 1/4 final ishtirokchisiga aylandi.

Polshalik tennis malikasi to'rtinchi davrada WTA reytingida 108-pog'onadan joy olgan germaniyalik Juli Nimayerni 2/6, 6/4, 6/0 hisobida taslim etdi. Bu tennischilarning o'zaro o'tkazgan ilk uchrashuvi edi.

Ikki soatu 24 daqiqa davom etgan bahsda Svyontek 2 ta, Nimayer esa 5 ta eys zarbasini amalga oshirgan. Julining 13 ta qo'shxatosi qimmatga tushdi. Iga 7 ta breykni amalga oshirib, yakunda g'alaba qozondi.