22 iyu 19:01
Yangiliklar

Suv sporti turlari, Parij-2024

Ilya Sibircev Parij Olimpiadasi uchun yana bir yo'llanmaga ega chiqdi

Avval malum qilganimizdek, Kanadaning Vankuver shahrida suzish bo'yicha xalqaro turnir o'tkazilmoqda.

Olamsport.com nashri bugun Sibircevning turnir doirasida 800 metr masofaga erkin usulda suzish bahsida oltin medalni qo'lga kiritgan holda 7:50,05 vaqt natijasi bilan Olimpiya o'yinlari kvalifikaciyasi meyorini bajargani haqida xabar berdi.

Ahamiyatli jihati, Milliy Olimpiya qo'mitasining elon qilishicha, Sibircev bugungi chiqishi orqali Olimpiya o'yinlari uchun yana bir licenziyani naqd qilgan.

U 800 metrga erkin usulda suzish dasturidan tashqari yana bir dasturda chiqish qiladi. Ilya qaysi dasturda ishtirok etishini musobaqa oldidan o'zi tanlaydi, yani u ixtiyoriy Olimpiya masofasidan birini tanlash huquqiga ega.

SHu tariqa, suzish bahslaridagi yo'llanmalarimiz soni 2 tani tashkil etmoqda.