13 may 10:42
Yangiliklar

Tennis

Internazionali BNL d'Italia. Sobolenkoning WTA 1000 turnirlaridagi 90-g'alabasi!

Italiya poytaxti Rim shahri tennis bo'yicha WTA 1000 toifasiga kiruvchi turnirga mezbonlik qilmoqda.

Sayyoramizning ikkinchi raketkasi Arina Sobolenko musobaqaning to'rtinchi davra ishtirokchisiga aylandi. Belaruslik tennis malikasi uchinchi bosqich bahsida WTA reytingida 33-pog'onadan joy olgan ukrainalik Dayana Yastremskayani ortiqcha qiyinchiliksiz mag'lubiyatga uchratdi - 6/4, 6/2.

Etiborlisi, Arina o'zaro uchrashuvlarda ilk bor Dayanadan ustun keldi - 1:3. Sakson sakkiz daqiqalik uchrashuvda Sobolenko 1, Yastremskaya 2 ta eys zarbasini amalga oshirgan. Qo'shxatolar ukrainalik tennischida ko'proq bo'ldi - 4 ga 3. Belaruslik tennischi WTA 1000 turnirlaridagi 90-g'alabasini tantana qildi.