Istomin o'zidan deyarli 200 pog'ona yuqoridagi raqibni taslim etdi

Mukofot jamg'armasi 45,730 evroni tashkil qiluvchi musobaqada hamyurtimiz Denis Istomin ham muvaffaqiyatli ishtirok etyapti. Tajribali tennischimiz saralashning ilk davrasida turnirga imtiyozli ravishda qo'yilgan portugaliyalik Gilerme Valdoleyrosni 6/1, 6/1 hisobida mag'lub etgandi. 

Saralashda sakkizinchi raqam ostida tasniflangan Istomin asosiy to'rga yo'llanma bergan saralashning final uchrashuvida turnirning uchinchi raketkasi, qozog'istonlik Denis Evseevdan ham ustun keldi - 6/3, 6/3. 

Taqqoslash uchun, Denis ayni paytda ATP reytingida 479, Evseev esa 295-o'rinni egallab turibdi. Endi tennischimiz asosiy to'rning ilk davrasida turnirning birinchi raketkasi, dunyo reytingida 93-o'rinda borayotgan portugaliyalik Nuno Borgesga qarshi kortga chiqadi.