Jahon chempionati. Bugun 6 nafar bokschimiz ringga ko'tariladi, ular orasida Bahodir Jalolov ham bor!

O'z tarixida yubiley - XX marotaba tashkil etilayotgan jahon chempionatida O'zbekiston terma jamoasi ham to'liq tarkibda ishtirok etyapti. Bugungacha ulardan ikki nafari - Fanat Qahramonov va Elnur Abduraimov musobaqadagi ishtiroklarini yakunlashdi.

Bugun jahon chempionatining navbatdagi kuni 6 nafar charm qo'lqop ustamiz ringga chiqadi. +91 kg vazn toifasidagi bokschimiz Bahodir Jalolov ilk jangini ukrainalik Cotne Rogavaga qarshi o'tkazadi. Rogava ilk davrada eronlik Ramazon Purdelavardan ustun kelgan. 

Bokschilarimizning bugungi ishtirokini SHahobiddin Zoirov boshlab beradi. Rio Olimpiadasi chempioni qirg'izistonlik jiddiy raqib Azat Usenalievga qarshi ringga chiqadi. Bu jang Toshkent vaqti bilan soat 15:00da boshlanadi. 

-91 kg vazndagi bokschimiz Sanjar Tursunov esa hindistonlik Sanjit Sanjitga qarshi bahs olib boradi. -57 kg vazndagi vakilimiz Mirazizbek Mirzahalilov marokashlik Muhammad Hamoutga qarshi jang o'tkazsa, Bobousmon Baturov (-69 kg) AQSH bokschisi Delante Jonson bilan munosabatlariga oydinlik kiritib oladi. -81 kg vazndagi Dilshodbek Ro'zmetov esa ruminiyalik Andre Aradoay bilan hisob-kitob qiladi. 

Bokschilarimizning bugungi raqiblari:

-52 kg: SHahobiddin Zoirov - Azat Usenaliev (Qirg'iziston), (A ring, 15:40 dan so'ng)

-91 kg: Sanjar Tursunov - Sanjit (Hindiston) (B ring, 17:40 dan so'ng)

-57 kg: Mirazizbek Mirzahalilov - Muhammad Hamut (Marokash) (B ring, 19:25 dan so'ng)

-69 kg: Bobousmon Baturov - Delante Jonson (AQSH) (B ring, 19:55 dan so'ng)

-81 kg: Dilshodbek Ro'zmetov - Andrei Aradoay (Ruminiya) (B ring, 21:20 dan so'ng)

+91 kg: Bahodir Jalolov - Conte Rogava (Ukraina) (B ring, 22:30 dan so'ng)