Jahon chempionatining eng yaxshilari malum, ular orasida biznikilar...

Afsuski, ular orasida o'zbekistonliklardan hech kim yo'q. Lekin charm qo'lqop ustalarimiz biz uchun eng yaxshilari. SHahram G'iyosov, Iqboljon Xoldorov eng yaxshi bo'lishga munosib nomzod edi. Lekin musobaqa tashkilotchilari va Xalqaro havaskor bokschilar associaciyasi (AIBA)ning qarori o'zgacha bo'ldi.

Ukraina terma jamoasiga yagona oltin medalni taqdim etgan Oleksandr Xijnyak Gamburgdagi jahon chempionatining eng yaxshi bokschisi deb topildi. -75 kg vazn toifasida ringga ko'tarilgan Xijnyak final jangida qozog'istonlik Abilxan Amankulni yaqqol ustunlik bilan mag'lub etdi.

Jahon chempionatining eng yaxshi jamoasi sifatida haqli ravishda Kuba terma jamoasi etirof etildi. Ozodlik oroli vakillari 5ta oltin medalni qo'lga kiritishdi. Xoanis Argilagos (49 kg), Yosbani Veitiya (52 kg), Endi Krus Gomes (64 kg), Xulio Sesar la Krus (81 kg) va Erislandi Savon (91 kg) jahon chempioniga aylanishdi.

Jahon chempionatining eng yaxshi hakami nominaciyasida AQSH terma jamoasi bosh murabbiyi Billi Uolsh g'olib bo'ldi. Uning shogirdlari jahon chempionatida 3ta medal qo'lga kiritishdi. Dak Regan (56 kg) kumush medal bilan taqdirlangan bo'lsa, Fredyus Roxas (64 kg) va Troy Isli (75 kg) bronza medaliga sazovor bo'lishdi.

“Halol o'yin” (Fair Play) sovrini bu safar armanistonlik bokschiga nasib etdi. 27 yoshli Artyom Arutyunyan Rio-2016 Olimpiadasida ham bronza medalini qo'lga kiritgan edi. Gamburgdagi jahon chempionatida u mag'lubiyatni ham xuddi g'alabadek xursandchilik bilan qarshi oldi.