12 may 17:27
Yangiliklar

Tennis

Jasmine Paolini uchun Rim "tatillari" tugadi

Sayyoramizning 12-raketkasi Jasmine Paolini o'z vatanida o'tkazilayotgan WTA 1000 toifasiga kiruvchi turnirdagi ishtirokini yakunladi.

Italiyalik tennis malikasi ikkinchi davrada WTA reytingida roppa-rosa 80-pog'onadan joy olgan misrlik Mayar SHerifga uch set natijasiga ko'ra yutqazib qo'ydi - 6/7(4), 6/2, 4/6. Ehromlar yurti vakilasi tennischilarning o'zaro uchrashuvlarida oldinda bormoqda - 2:0.

Ikki soatu 42 daqiqa davom etgan bahsda ikkala tennischi ham 1 tadan eys zarbasini amalga oshirishdi. Qo'shxatolar SHerifga ko'proq bo'ldi - 5 ga 3. Paolini 7, Mayar 6 ta breykka erishgan. Endi SHerif 1/16 finalda Viktoriya Azarenkoga qarshi kortga chiqadi. Belaruslik tennischi ikkinchi davrada polshalik Magda Linettdan ustun keldi - 6/7(5), 6/4, 6/4.