WTA Finals. Koko Goff ilk g'alabasiga erishdi

Dunyoning uchinchi raketkasi Koko Goff SHteffi Graf nomidagi guruhning ikkinchi uchrashuvida WTA reytingida sakkizinchi pog'onada borayotgan italiyalik Jasmin Paolinini ortiqcha qiyinchiliksiz mag'lubiyatga uchratdi - 6/3, 6/2. Bu g'alaba evaziga u tennischilarning o'zaro uchrashuvlari hisobida oldinga chiqib oldi - 4:3. 

Sakson daqiqa davom etgan bahsda ikkala tennis malikasi eys zarbasini amalga oshira olmadi. Breyklar bo'yicha Goff ustunlikka erishdi - 4 ga 1. Koko bir g'alaba va mag'lubiyat bilan guruhda uchinchi o'rinni egallab turibdi. Ikkinchi uchrashuvida ham yutqazgan Paolini pley-offga chiqish imkoniyatidan mahrum bo'ldi.