JCH-2016. Oltinchi kun. 3 nafar bokschimizda g'alaba, ikkisida mag'lubiyat

17-18 yoshli bokschilar o'rtasida tashkil etilayotgan jahon chempionatida O'zbekiston terma jamoasi azolari ham o'z imkoniyatlarini hakamlar sinovidan o'tkazishyapti.

Kecha jahon chempionatining oltinchi kuni ringga ko'tarilgan 5 bokschimizning 3 nafari g'alabaga erishdi, qolgan ikkisi esa mag'lubiyat alamini totib ko'rdi.

Jumladan, 75 kg vazn toifasida o'z imkoniyatini sinovdan o'tkazayotgan SHohruzbek Rustamov uchinchi jangida ham g'alabaga erishdi. U Xitoy Taypeyi vakili CHia-Vey Kanni 5:0 hisobida mag'lub etdi. Rustamov bungacha ozarbayjonlik Rasim CHobanli va belaruslik Yagor Skamaroxni bir xil 5:0 hisobida taslim etgan edi.

56 kg vazn toifasidagi charm qo'lqop ustamiz SHunqor Abdurasulov ham chiroyli g'alabaga erishdi. SHunqor germaniyalik Andreas Yagerdan 5:0 hisobida ustun keldi.

60 kg vaznda qatnashayotgan Bilolbek Mirzarahimov bu safar armanistonlik bokschi Narek Xovxanisyanni 4:1 hisobida engdi. Bilolbek bundan avvalgi jangida qozog'istonlik kuchli raqibi Sanatali Toltaevni 5:0 hisobida mag'lub etgan edi.

Afsuski, kechagi kungi bahslarda ikkita mag'lubiyat ham bo'ldi. 64 kg vazn toifasida ishtirok etgan bokschimiz Behruz Rahmonov uchinchi jangida Dominikan Respublikasi vakili Emiliano Polansoga 1:4 hisobida yutqazib qo'ydi. 69 kg vazndagi bokschimiz Ulug'bek Sobirov esa qozog'istonlik raqibi Sadriddin Ahmedovga 0:5 hisobida imkoniyatni boy berdi.